حسني والمدرسة

حسني والمدرسة
ــــــــــــــــــــــــــــــــــــــ

أربعه خمسة من كل سنة

احتفلوا بيك لمدة 30 سنة

ومن أول يوم ومضيعوش سنة

سرقوا المدرسة

لما لقوا الناظر بره المدرسة

بره ازاي وهو في المدرسة

آآآآآآه .. أصله قاعد في اوضة مكيفة

مش شايف منها غير الفصول الكويسة

وركبوا الستاير والسماعات الذكية

اللي جوه عمره ما يسمع اللي بره من هنا للصبحية

لحد ما ركبوا الستاير على عينيه

ومبقاش شايف الطلبة عاملين ايه

ومش عاوز يسمع هما عاوزين ايه

اصله يا عين امه

كان بيطبخ في الدرى

اكلته المفضلة

الكوسة على الكهربا

اصله باع الغاز اللي بعته ربنا

لمدرسة في الناحية الشرقية

الناظر بتعها من الناس المفترية

اللي بتقتل الطلبة في الرايحة والجاية

ونبعتلو نقولوا وقف الغاز ده بيموتهم بالمدفعية

ميردش عشان عيون العمولة الاجنبية

دي بتتوزع على الصحاب والعيلة الملكية

وكانت أمنية حياته يسمع اخترناك في الاذاعة المحلية

بعد لما اتاكد ان واحد منهم شرخ في الشؤون الاقتصادية

جه الدور في اللعبة السياسية

على جمال ابن الحرامي والحرامية

لحد ما يثبت العكس في الشؤون القضائية

عيب عليك تخرج من الحياة الملكية

بطريقه رسمتها بالبلطجة والمحسوبية

ادت لتلوينها بدم الشهداء الطاهرة النقية

عشان تخرج لينا صورة كلها حرية


تأليف
أحمد يسري