نداء الوطن

نداء الوطن
---------------
أتعلمت إن لما ينده الوطن
ساعة الندا ألبي

ولما صرخ وطني قمت مستخبي

اصل لو رفعت الصوت يقومو مسكني

وإذا حبي لوطني زاد يقومو سجنني

ولما حب الوطن يبقي غالي

يبقي في السما عالي

الوحيد اللي شاغل بالي

حب عدد حبات اللؤلؤ كل حبة بشبر من ارضي

وأحافظ عليها كإنو من عرضي

يبقى أنا إنسان فاضي

لما الوطن ينده واعمل مش واخد بالي

الوطن يتألم ولسه عامل مش واخد بالي

الوطن يمرض ومرضه عداني

الوطن بيموت وصحتي مش عجباني

مدرستي وكليتي مش عجباني

الشقة مش لاقي واذا لقيت مش عجباني

الوظيفة مش عجباني

فلوسي مش عجباني

الوطن مات وقولت مفيش امل تاني

مفيش حياة تاني

ده حال نظام فات

صنع شعب فتات

غزل بنات

فالحمد لله الذي خلصنا من الآفات

المعتقلات

المؤتمرات

بثورة نطق الجميع بالحرية واستنشقها النبات

وزقزقة الطيور من الفرحة فوق الغابات

تأليف
أحمد يسري