من أجلك انت يا مصري

من أجلك انت يا مصري


من أجلك أنت يا مصري

حتشيل همومك من بدري

وتعيش صبح وليـــل

تدور على لقمة عيش

مش حنسيبك للحظة

تفكر فيها لبكرة

سيب بكرة علينا

ندوره ونشغله بمعرفتنا

من أجلك انت يا مصري

طابرو العيش تصحاله بدري

وتوقف فيه لساعات

وتخرج منه باصابات

ومعاك عيش ما يتكلشي

يدوبك تمسكه بايدك

يتفرول قدامك 100 حته

من اجل انت يا مصري

حب مصر نسناهولك من بدري

كلمة انتمائي لوطني

ملهاش غير معنى واحد

انك موطن اصلي

في الحزب الوطني

من اجل كانت يا مصري

يوم الانتخاب والاستفتاء

مش حنصحيك فيه بدري

ده النتيجة معروفه مقدما

واليوم ده مجرد يوم صوري

من اجل كانت يامصري

عملنا كل اللي فات واكتر

وشغالين فيها من بدري

وادعي لمصر من قلبك

عشان خاطر- جمال- مصر

ويفضل ربنا – مبارك – فيها

وقالو عشان مستقبل ولادي

حيبنوا كل حتة في مصر

حيبنوا من بيت لقصر

والشطارة كانت مجرد فكر

بعد لما خلصوا على جيل

جيل أبائي وأجدادي

جه الدور على اولادي

ووقف الزمن

وبفضل الحي الرحمني

ظهر من الظلام شعاع نور

ظهر جيل كله اصرار وصمود

جيل الشباب المتهم بالخمول

ومايعرفش غير النوم

واتعدلت الاية

واي حد عمل فساد بيداره

وانتشر النور

ودب فينا الامل

ورجعت شمس الحرية لاوطاني





تأليف

احمد يسري